Mamit-ah Nasha Mukt Bharat Campaign kawngzawh nei

Mamit District Level Nasha Mukt Bharat Campaign buatsaihin nimin zing khan Mamit-ah Ruihhlo do beihpui thlak khuhhawnna pualin kawngzawh a ni a, Mamit Bialtu MLA Er. H. Lalzirliana’n kawngzawhte hi a vailiam a ni.

Kawngzawh vailiam hmaa inkhawm tawi neih ah Er. H. Lalzirliana chuan ruihhlo do ngaihna bik District, India rampum atanga thlanchhuah 372 zinga Mamit District a tel chu a chhuanawm loh hle tih sawiin, Mamit District chu ruihhlo tawlhruk kalkawng leh a tamna hmun a lo ni ta reng mai tih a sawi a, Mamit District Police-te leh thawktu hrang hrangte hmalakna zarah hmanni lawkah tam tham tak man a nih thu leh man loha relhru tam tak pawh a awm dawn thu sawiin, ruihhlo do tura hmalak chu a tul takzet tawh tih a sawi bawk.

He hun hi Mamit DC VL. Remliana chuan kaihruaiin Mamit District Medical Superintendent (DMS) Dr. Lalrinfela chuan Doctor-in natna tidam tura damdawi an chawh ni lo lo hman ve chu damdawi hmansual a nih thu sawiin, rilru leh ngaihtuahna thlenga thlak danglam vek theitu ruihhlo laka fihlim chu inzirtir uar sauh sauh a tul hle tih a sawi a. Naupang in ruihhlo an khawih tanna kailawn hmasa chu zuk leh hmuam a nih vangin hemi lakah pawh inven a tul thu a sawi bawk.