Kum 2024 ralhmain In sak tanpuina dawng turte tanpuina an dawn tur ang pek kim vek hman tum a ni
Hemi chungchanga nimin-a sawrkar thuchhuah in a tarlan danin PMAY-HFA (Urban) Mission hnuaiah hian Mizoram pumah mirethei Insak tanpuina dawngtu tur (beneficiaries) chhungkua 37,450 an awm a, Insak tanpuina hi mi pakhat tan cheng nuai 1.5 theuh Instalment thum (3) a pek tur an ni a. Tun thlengin chhungkua 21,731 ten 1st Instalment Rs.60,000/- theuh an dawng tawh a, a la dawnglo chhungkua 15,719 te hi August, 2023 ralhmain 1st Instalment Rs. 60,000/- theuh dawn tir hman turin theihtawp chhuah mek a ni. In sak tanpuina dawngtu turte hi kum 2024 ralhma ngeiin Insak tanpuina an dawn tur ang zawng zawng pe kim vek hman tura hmalak mek a ni tih sawrkar thuchhuah chuan a tarlang bawk.
PMAY–Urban hnuaia Insak tanpuina dawng tur beneficiaries te hi Insak tanpuina (Fund) pek an nih hmain UD&PA Department chuan in hrilfiahna hun (Sensitisation Programe) a neihpui phawt thin a. Inhrilfiahna hun hman zawh hian a dawngtu turte hian an pawisa dawn te In sak nan ngei hmang tura intiamkamna an ziah hnuah Fund hi pek thin an ni a. He Mission bultan a nih atangin 1st Instalment dawng thar turte apiang hi Sensitisation hun hmanpui ziah la niin hemi hnu hian tanpuina hmasa atan Rs. 60,000/- pek thin an ni a, a hnuah Rs. 60,000/- pe lehin a tawp berah Rs. 30,000/- pek leh thin an ni a. Nimin khan Aizawl khawpui chhunga In sakna dawng turte chu hmun thum-ah kohkhawm an ni bawk.
Tarlan tawh angin Serchhip khawpui ah pawh In sak tanpuina hi semchhuah leh tan mek a ni a, tun tumah hian 1st DPR hnuaia 2nd Phase-a tel te hnenah tanpuina sum hi pek-chhuah niin heng mi te hian an dawn kim hunah chuan 1st DPR atang hian mi 949 in tanpuina an dawng dawn a ni.
Comments
Post a Comment