Serchhip DTO Office-ah kumin chhungin lirthei 314 ziaklut

Serchhip-a Transport Department hnuaiah kumin January atanga June thla tawp thleng khan lirthei ziahluh thar 314 a awm tawh.
Serchhip-a Transport Department in an chhianchhiahna atanga a lan danin kumin (2023) kum chanve chhunga Serchhip DTO Office-a lirthei ziahluh thar 314 te zingah hian lirthei ke hnih nei (Two Wheeler) tam berin 195 ziahluh niin hei hi lirthei ziahluh zawng zawng atanga chutin za zela 62.10 zet a tling phak a, hei hi Motor car in dawtin kum chanve chhung hian 60 ziahluh a ni bawk a, bungraw phurhna chi lirthei 38 ziahluh awm bawkin lirthei ke pathum nei 12, Dumper 3 leh Ambulance 2 bakah Bus leh hnathawhna hi lirthei pakhat ve ve ziahluh a awm bawk a ni. Kumin kum chanve chhung hian Serchhip DTO Office hian Chhiah chi hrang hrang an lakkhawm cheng nuai 70 vel chu sawrkar sum bawmah an chhunglut bawk a ni.