Kalphung thar ah eirukna nawr tawm tum

ZPM Vice President Rev. Dr. K. Thanzauva chuan Kalphung tharah eirukna an nawr tawm dawn tih a sawi.

ZPM in nimin-a Aizawl-a an Office-a Chhung Inkhawm an neih ah ZPM Vice President Rev. Dr. K. Thanzauva chuan Kalphung thar mipui sawrkar an zuar tih sawiin, Corruption tihbo an tum dawn tih a sawi a. “ZPM MLA Candidate tura kan thlan zawng zawng pawhin corruption lakah ka fihlim ang tiin an intiam a, he Movement-ah hian eirukna nawr tawm a ni dawn a, sum tam tak eirukna avanga luangral thin hi tihbo a ni tawh dawn a, Vawiin a sum kan indaihloh em em na thin pawh a bo theih a beiseiawm hle a ni,” a ti. He kalphung tharah hian ram mipuite hmasawnna kawngah an ban-a kaih anni dawn tih sawiin, an hruaitute kal sual tur vengtu tur Val Upa Council an nei lehzel te chuan ngaih a ti ngam em em tih a sawi bawk.

Mizoram Political History-ah Revolution vawi hnih a thlen tawh thu leh a tum thumna tur a thleng dawn tih ZPM Vice President chuan sawiin, “Lal ban Movement a thleng a, Mizo Union Revolution tiin a sawi theih awm e. MNF Movement a lo chhuak leh a, 1972-ah UT pek kan ni a, political identity pek kan ni a, thil thar kan la tawn ngai loh kan tawn avangin kan hmang thiam lo hle niin a lang. Vawiin-ah hian ZPM chuan Third Revolution - siam thatna Revolution siam turin kan inbuatsaih mek a, Pathian hriatpui tlak sawrkar din hi kan tum ber a ni,” a ti bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar