Dr. BD. Chakma-a’n chawlh a tum thu a puang

Mizoram-a BJP in MLA an neihchhun Tuichawng bialtu MLA Dr. BD. Chakma chuan tuna MLA term kallai a hman zawh hunah active Politics a chawlhsan tawh dawn thu a sawi.

Dr. BD. Chakma hian nimin khan Chawngte-a BJP Office-ah Special Session ko in politics a chawlhsan tawh tur thu hi a puang a, kum 50 a tlin hunah active politics a chawlhsan tur thu a lo sawi lawk tawh thu sawiin, “Chuvangin tun MLA term kan hman zawh chuan politics atangin ka chawl tawh dawn. MLA emaw MDC emaw pawh nise inthlanna ah ka chuh ve tawh dawn lo. BJP Party-ah chuan ka la awm reng dawn a, party-a ka nihna erawh ka bansan ang,” a ti a. Chakma Autonomous District Council (CADC) BJP President Dr. BD. Chakma hian August, 2023 chhungin a aiawh tur ruatin, chumi hnenah chuan lungawi taka charge a hlan tur thu a sawi bawk.

Dr. BD. Chakma hi kum 2008-a CADC inthlanpuiah Borapasury-II MDC Constituency-ah Congress Party Ticket-a thlantlin niin kum 2013-ah thlantlin leh niin CEM a ni a, hemi kum-a Assembly inthlanpui-ah Tuichawng bial atangin Congress Ticket-a thlantlin niin MLA a nih hnuah Minister of State dinhmun ah dah a ni a, kum 2018 MLA inthlanah BJP ticket-in MLA atan thlantlin leh a ni.

Comments

Popular News (Last 30 Days)

Vawiin-ah HSSLC Exam result