Chief Minister in lawmpui

AIFF Men's Footballer of the Year 2022-23 atana thlan Mumbai City FC player Lallianzuala Chhangte (Lunglei) chu nimin khan Chief Minister Zoramthanga chuan a Pisa ah kawmin a hlawhtlinna ah a lawmpui thu leh chhuanawm a tih thu a sawi a. Chawimawina dawn phu nia a hriat thu sawiin Chief Minister chuan, Mizote hming tithatu a nih thu a hrilh a. A hma hun zelah tha thlah lova theihtawp chhuah zel turin leh mahni inthununna thlah lo turin a fuih a. Hlawhtlinna tam zawk dawng zel turin duhsakna a hlan bawk.