DM&R Minister in tlawh

Home Department leh Disaster Management & Rehabilitation Department changtu Minister Lalchamliana chuan Aizawl Vaivakawn-a leimin chu nimin khan tlawhin a hmunah thil awmdan a enfiah a, leimin chungchang ah ruahmanna siam nghal rum rum a remchan loh avangin a kaih-hnawih Department hrang hrangte chu Zirtawpni khian an inhmukhawm dawn tih sawiin, State Sawrkar in khuarel chhiatna atan pawisa dah lawk nei mah se leimin chu a awh chin a zau tham avang leh a nghawng chhungkua an thathnem avangin National Disaster Management lama thlen tura ruahman anih thu a sawi bawk. Helai-a leimin avang hian chhungkaw 16 in an chenna an chhuahsan a, In pakhat thiah niin In 5 luah ngam loh in a awm bawk.