Cricket-a hmasawnna CM in lawmawm a tih thu a sawi

Chief Minister Zoramthanga chuan Mizote tan Cricket chu infiamna tharlam tak a la nihna chen la awm mah se tunhnaiah hmasawnna tam tak kan nei chho chu lawmawm a tih thu a sawi.

Zirtawpni kalta zan-a 2nd North East Cricket Development Committee (NECDC) Achiever's Nite Aijal Club-a neih a hmanpuina ah Chief Minister chuan Cricket infiamna chu India ramah a lian hle tih sawiin, “He infiamna ropui tak huangah hian keini North East States te pawhin hma kan sawn ve zel a pawimawh a, hmasawn tura kan tanrual thiam pawh a ngai a. Sang takah kan awm ve thei a ni tih hrereng ang u,” a ti bawk.

2nd NECDC Achiever's Nite-ah hian India hmarchhak-a kum bithliah hrang hranga Player tha thlanchhuah te hnenah lawmman chi hrang hrang semchhuah a ni bawk.