Thutkhawmna ah Pawisa thir pawimawh zia tarlang

Kumin January atanga March thla tawp thlenga Lawngtlai District-a Bank hrang hrangte hnathawh dan thlirletna chu nimin khan Lawngtlai Press Club-ah neih a ni.

He hunah hian pawisa thir (coin) leng vel a tam theih nana hmalakna te tarlan niin Pawisa hi lehkha aia thir-a siam a hautak loh zawk thu te, pawisa thir chu pawisa leng vel atana ruahman a nih thu te, pawisa thir hman loh chuan dawr thil leh chawhmeh man bulthut (base price) a tihsan dan leh pawisa nawi awm loh chhuanlama pawisa nawi aia thil zawrh dang inkir mai emaw, pawisa nawi inkir kim loh emaw a tih hluar dan te, chumi in tul lova mipui sum hmanral a tihpun thu te tarlan a ni a. Hei vang hian mipui, dawrkaite leh Bank te chu pawisa thir dawn leh hman kawngah tim lo tur leh hnar lo tura ngen an ni bawk. 

He hunah hian Credit/Deposit (CD) Ratio-a National benchmark chu 60% a nih laiin Lawngtlai-a Bank-te chuan CD Ratio 114.79% lai an nei tih tarlan a ni a. Mipui harsa zawkte leh kut hnathawktute chhawr theih tur loan thenkhatah tan lak a tul thu tarlan a ni bawk.