Thenzawl-ah Football Tournament khelh tan a ni
He Tournament hi Thenzawl leh a chhehvela infiammi te tana buatsaih niin Affiliated Club 9 leh Veteran Team 6, an vaiin Team 15 an tel a, tun thla ni 24-ah Final khelh tura ruahman niin Affiliated Club te inelna a Champion in lawmman ah Rs. 30,000/- leh pahnihna in Rs. 15,000/- an dawng anga, Veteran inelna a Champion in lawmman ah Rs. 10,000/- leh pahnihna in Rs. 5000/- an dawng dawn a ni.
Nimin-a he Tournament hawnna inkhawm tawi Thenzawl Zone FA President Liantluanga Renthlei kaihhruaia neih ah Tournament sponsor tu R. Vanlaltluanga (Bethlehem Vengthlang) Aizawl chu khuallian niin Tournament hi a hawng a, Mizo thalaiten infiamna, abikin Football-ah tumruhna leh tih tak takna nen an beih chuan an hlawhtling thei tih inhria a, ruihhlo laka fihlim a, theihtawp chhuah zel turin a chah bawk.
Comments
Post a Comment