Mizo zingah UPSC 2023 Prelims paltlang pung hret

Union Public Service Commission (UPSC) chuan kumin May 28-a UPSC Civil Service Examination, 2023 Preliminary Result chu nimin khan a tichhuak a, Aizawl Centre atangin inziaktling mi 12 awmin heng zinga mi 10 chu Mizo an ni a, India rampum ah mi 14,624 ten Preliminary Exam hi an paltlang a, kumin September 15-ah Mains Exam neih leh a ni ang.

UPSC Preliminary Exam-ah hian Mizo-ram atangin a kum telin inziaktling an pung chho hret hret niin a lang a, nikum khan Aizawl Centre atangin Prelims paltlang mi 12 an lo awm a, an zinga mi 5 chu hnamdang niin 7 chu Mizo an ni a. Kum 2019 khan Aizawl Centre atanga Prelims paltlang mi 6 awmin, kum 2020-ah mi 3 leh kum 2021-ah mi 7 an awm a ni.