STAM Proficiency Award hlanna hun hman a ni

Science Teachers' Association, Mizoram (STAM) buatsaihin nimin khan Aizawl-a Synod Conference Center-ah ‘STAM Proficiency Award’ hlanna inkhawm neih a ni.

STAM Proficiency Award hi Mizoram Board of School Education (MBSE) hnuaia High School Leaving Certificate (HSLC) Examination leh Higher Secondary School Leaving Certificate (HSSLC) Examination-a Science leh Mathematics Subject-a mark hmu sang ber (Topper) te hnenah hlan thin niin nimin-a he hun hman hi School Education Director Lalsangliana chuan a hmanpui a, zirlai chawimawina dawngte a lawmpui thu sawiin, STAM chanchina hming chuang reng tawh tur Proficiency Award dawngte chu zirna sang zawk ah hriatzui tlak ni zel tura theihtawp chhuah turin a fuih a, Pathian in a pek an thiamna leh finna te hmanga midangte tana malsawmna ni thei tura taihmak chhuah tur leh an hmathlir theuhte ti hlawhtling tura inbuatsaih turin duhsakna a hlan a ni.

Nimin-a STAM Proficiency Award semna hunah hian HSLC Science leh Mathematics-a Topper mi 5 te hnenah chawimawina hlan a ni a, HSSLC Science leh Mathematics-a Topper zirlai 5 bawk te hnenah chawimawina hi hlan an ni bawk a ni.

STAM Proficiency Award hi kum 2017 atanga sem tan niin heng chawimawina hi Science leh Mathematics lama mi chhuanawm te leh mi hmingtha te hming chawia sem thin a ni a, lawmman tur sumfai pawh a hming putute hian an tum a ni.

Nimin-a Proficiency Award sem rual hian Science Competition vawikhatna, April ni 28, 2023-a neih tak Aizawl District a titha te lawmman leh Certificate an sem nghal niin Science Competition hi National Science Day lawmna pual a buatsaih a ni.

Comments

Popular News (Last 30 Days)

LPG man bithliah thar