MSDE hnuaia NSDC, LESDE Department leh Medhavi ten thawhhona thuthlung an ziak

Mizoram International Centre for Innovation & Skills Excellence dinna turin National Skill Development Corporation (NSDC), Labour Employment, Skill Development and Entrepreneurship (LESDE) Department, Govt.of Mizoram leh Medhavi Skills University te chuan Inrinni khan thawhhona tur an ziak.

Ministry of Skill Development and Entrepreneurship (MSDE) kaihhruaina hnuaia National Skill Development Corporation (NSDC), Mizoram sawrkar hnuaia Labour Employment, Skill Development and Entrepreneurship (LESDE) Department leh Medhavi Skills University ten Tri-partite MoU hmanga thawhhona tur an ziah hi ‘Mizoram International Centre for Innovation & Skills Excellence’ dinna tur niin he Centre of Excellence (CoE) hian a hna hmasa ber atan India leh khawvel hmun hrang hranga Hospitality Sector leh Paramedical Staff leh Nurse mamawhna sang zel phuhrukna turin Hospitality leh Healthcare skills lama hmasawnna tur Course a kalpui dawn a ni.

He CoE hian Hospitality leh Healthcare Sector-ah te bakah a kaih-hnawih Sector dangte nen International Skills Training leh Mobility a buaipui dawn a, MoU ang hian NSDC chuan infrastructure support atan bungraw thahnem tak a pe dawn a, Hospitality & Healthcare Services lama talent tihpunna turin CoE tan Knowledge partner angin a thawk ang a, CoE a zirchhuakte hi khawvel ram hrang hrangah hna hmuh sak turin NSDC in hma a la dawn a ni. He thawhhona ah hian LESDE Department chuan CoE-a Course awmte awareness siam turin Promotional Activities-ah a pui dawn a, Administrative Support a pe bawk ang. Medhavi Skills University hian nitin hnathawh dan enkawl hna a thawk ang a, rampum leh khawvel puma Company hmingthang tak takte Manpower mamawh phuhrukna tur International standard angin Quality Skill Training pekna tur ruahmanna a siam bawk ang.

He Thawhhona thuthlung-ah hian Lalramsanga Sailo, Secretary, LESDE Department; Ved Mani Tiwari, CEO, NSDC leh Kuldip Sharma, Pro Chancellor, Medhavi Skills University te chuan LESDE Minister Lalchhandama Ralte leh Angela Zothanpuii, Director LESDE Department te hriatpuina in an ziak a ni.

NSDC hnuaiah hian Mizo Nurse ten Noida-ah Japanese language training an nei mek a, Ministry of Skill Development hriatpuiin Japan rama thawk turin an inbuatsaih mek a. Hei bakah hian PMKVY hnuaiah training hmun hrang hrangah kalpui a ni mek bawk a. NSDC buatsaih Kaushal Mahotsav (Online international job fair) ah Mizo thalaite test leh interview turin mi 280 an inziaklut bawk a ni.