Smart Parking sakna tur lungphum phum

Aizawl Dinthar Veng-a Smart Parking sakna tur lungphum chu nimin khan Deputy Chief Minister Tawnluia chuan a phum.

‘On road Smart Parking’ hi 3274.6sqm a zau tur niin cheng vbc. 13.38 senna tur a ni a, kumin Feb. 11 khan Contract agreement ziakin nakum June 30-a zawhfel hman tura ruahmann a ni a. Basement I-ah lirthei ke pali nei 52 leh ke pahnih nei 45, a vaiin 97 dah theihna siam a ni anga. Basement II-ah mikhual thlen theihna Dormitory, 4 Bedded Room pahnih, 2 Bedded Room 2 leh VIP Room pakhat a awm ang. A chung berah hian Futsal Ground siam a ni dawn thung a, Dinthar YMA in a sak hna leh a sakna senso zawng zawng an tum thung dawn a ni.

Nimin-a lungphum phumna hunah hian Deputy Chief Minister chuan Aizawl Smart City Project hnuaia hmalakna pawimawh tak pakhat bul tan nana lungphum phum a ni ta chu lawmawm a tih thu a sawi a, Smart City Project hian engemawchen Aizawl khawpui hmel a ti danglam dawn tih a sawi bawk. He hunah hian bialtu MLA leh Minister Lalruatkima pawhin a bial chhung Dinthar khawtlangin nghakhlel taka an lo thlir tihpuitlina a awm chho mek chu lawmawm a tih thu sawiin, a hun taka thawh zawh a nih a beisei thu a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man