Mi harsa leh rethei te chanvo chuhpui ah puh

/

Kaladan Multi Modal Transit Transport Project (KMMTTP) kawngpui in ram a tihchhiatsak neitu intelkhawm, Lawngtlai District Land Owners Association chuan zangnadawmna an hmuhloh chhan ah Mizoram Sawrkar Environment, Forest & Climate Change Department puhin, miharsa leh retheite chanvo chuhpuitu ah an puh.

Lawngtlai District Land Owners Association hian thuchhuah siamin, kum 2010-a kawngpui sial hna tan, KMMTTP-ah mimal ram engemawzat chu Forest ram anga rinluh niin, Forest ram Hectare 196.75 a dah a ni a, Forest ram diktak chu Hectare 15.24 a nih thu an tarlang a. Vawi engemaw zat ram neitute anmahni ram ah dintirin Joint Verification neih niin, kum 2019-ah Anti Corruption Beureu (ACB) chuan chhuiin, ram neitu dik tak mi 138 hmuhchhuah a ni tih an tarlang a. December 8, 2021-ah Gauhati High Court, Aizawl Bench chuan District Collector, Lawngtlai hnenah ram neitu dik tak mi 138 hnenah zangnadawmna pe turin a hriattir tih sawiin, hetiang a nih mek lai hian Mizoram Sawrkar-a Environment, Forest & Climate Change Department chuan mimal ram chu an ramah rinlut luiin harsatna an siam a, hei hi miharsa leh rethei zawkte rahbehna ah an ngaih thu an sawi a ni. 

Lawngtlai District Land Owners Association chuan June thla chhung hian High Court thupek angin mi 138 te hnenah zangnadawmna hi pek an nih loh chuan KMMTTP kawngpui-a an ram te chu an duh dan angin an enkawl zui tawh tur thu an thuchhuah ah hian an tarlang bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »