Damchhung tang turin hrem

September ni 6, 2021 zan-a Lunglei Chan-mari Veng-a K. Vanlalduati (52) thattu nia puh Lalchawimawia (24) S/o Piangthiauva, Tahan F Group Myanmar nia insawi chu Lunglei District & Session Judge TL. Guite chuan tun thla ni 14 a thiamloh a chantir hnuah nimin khan hrehawm taka damchhung lung In tang tur leh Rs. 5000/- chawi turin a chungthu a rel sak a, a sum chawi tur hi a pe lo a nih chuan thla khat dang a tan belh leh ang. K. Vanlalduati hi Maxi Cab Counter nghaktu niin Sept. 6, 2021 zan thimhlim-ah a dawr-ah Chemte hmanga vih a ni a, tualthattu Lalchawimawia hi a Chemte hman atanga chhui-chhuah niin man nghal mai a ni a, a thubuai ngaih-tuah a nih lai kumin April 19 zing khan Lunglei District Jail atanga tlanchhuakin April 24 khan Hnahthial leh Thingsai inkara Khawhri khua a mi ten Thlam pakhat ah an man leh a ni. Lalchawi-mawia hi tualthah thubuai bakah rukruk thubuai ah kum 8 tang tur leh Rs. 5,000 chawi turin Court chuan a hrem bawk a ni.

Comments

Popular News (Last 30 Days)

LPG man bithliah thar