Serchhip District in Final thleng phak lo
Serchhip DCA te hian Champhai DCA te an hneh hnuah nimin khan Lunglei Thuam-luaia Mual-ah Siaha District hmachhawn lehin Toss-ah chakin vuak hmasak an thlang a, Overs 15 an khelh ah Wicket 2 hloh in run 111 an siam a, C. Zoramthara chuan run 57 siamin Kangjam Suraj Singh chuan run 20 a siam bawk a, batsman dang an chet that tawk loh avangin target sang tak an siam thei lo a ni.
Hemi hnu hian Siaha District hian vaw ve leh thungin overs 14.2 ah an target khumin run 115 an siam a, wicket 8 bawk hlohin Wicket 2 in Siaha District hi an chak a, C. Zoramthara chuan Wicket 4 lain R. Lalrinfela’n Wicket 2 a la bawk a, Lalbiakzuala leh Samuel Vanlalawmpuia ten Wicket khat ve ve an la bawk a ni.
He Tournament khelh mekah hian Ser-chhip District hi Champhai leh Siaha District te nen Pool khat-ah an awm a, Serchhip District hi tum khat chakin tum khat an tlawm a, Siaha District hian tum hnih an khelh ah hnehna chang ve ve in Champhai District hi an tlawm ve ve thung a, hei vang hian an Pool atanga Point hmu sang ber Siaha District hian Final an lut ta a ni.
Vawiin hian Pool A lamin Pool Match hnuhnung ber an khel ve leh dawn a, point hmu sang berin Final-ah Siaha District hmachhawnin Inrinni khian Final khelh tur a ni ang.
Comments
Post a Comment