Vairengte dai-a lirthei chesual-ah boral

Nimin-a Vairengte leh Bilkhawthlir inkara lirthei-a chetsualna thlengah Samuel Vanlalhmachhuana (16), New Serchhip Venglai chu boral in Vawiin hian Serchhip-ah vuiliam tura ruahman a ni.
Thudawn danin Samuel Vanlalhmachhuana s/o Lalhriatpuii, New Serchhip Venglai (Supply Kudam hnung) hi Vairengte-a an chhungte bulah hnathawk in a awm a, nimin chawhnu lama Bilkhawthlir a Futsal khel tura Bike hmanga an kal chu Vairengte leh Bilkhawthlir inkar, Sual tlenfaina hmun tia an sawi thin hmun ah Truck nen insu in Samuel-a hi ka pawn chhawn lohin a boral nghal a ni.

He bike hi Vairengte Zalen Veng-a cheng Lalchhuanmawia khalh niin Samuel Vanlalhmachhuana hi a phur a, Truck hi ke 16 nei chi niin vanduaina a thlen hnu hian a khalhtu hi a tlanbo zui nghal a, mi tlawmngai ten zawng nghalin TR Petrol Pump-ah an man a, Vairengte Police te kutah an hlan nghal nia thudawn a ni bawk.

Samuel Vanlalhmachhuana ruang hi nimin vek khan Vairengte-ah lak niin Postmortem a nih hnuah Serchhip lama rawn lak tura ruahman a ni a, Vairengte Police te chuan buaipui ngai ang ang an buaipui nghal a. Hliam tuar Lalchhuanmawia hi Bilkhawthlir PHC-ah hruai nghal niin Kolasib District Hospital panpui leh nghal a ni.