Serchhip-ah EVM enfiah hna thawh tan a ni

Serchhip District in Vote thlakna khawl EVM leh VVPAT a kawl mek te enfiah hna chu nimin atang khan Serchhip DC Conference Hall-ah neih tan a ni.
Mizoram in kumin kumtawp lama MLA inthlanpui a hmachhawn tur atana inbuat-saihna kal mekah Serchhip District-a Vote thlakna khawl awm mek te enfiah hna hi nimin khan DC Conference Hall-ah neih tan a ni a, he hunah hian sawrkar Official te bakah Political Party hrang hrang aiawhte telin Vote thlakna khawl siamtu Company aiawhte pawh an tel a. District Bawrhsap leh District Election Officer Nazuk Kumar IAS pawhin nimin-a Vote thlakna khawl te enfiah hna thawh hi a vil reng bawk a ni.

Nimin khan EVM/VVPAT khawl thar endikna User Acceptance Test (UAT) neih niin, hemi kaltlang hian Ballot Unit (BU) 6, Control Unit (CU) 40 leh VVPAT 15 te endik niin, a vaiin a tha vek a. Vawiin atanga kalpui tur EVM khawl endik hna hmasa ber, First Level Checking (FLC) kaltlang hian EVM/VVPAT thar leh inthlan hmasa lama hman tawhte enfiah a ni dawn a. Nimin lama UAT neihte bakah, inthlan hmasa lama hman te nen a vaiin Ballot Unit (BU) 154, Control Unit (CU) 187 leh VVPAT 150 te ECIL Engineer-te kaihhruaina hnuaia endik a ni dawn a. Vote thlak nana hman tawhte uluk taka thenfai a nih dawn bakah EVM leh VVPAT khawlte hi inthlan leh huna hman theih tura siam rem leh nghal vek tum a ni a, Political party aiawha tel ten vote thlak chhinna Mock Poll an nei nghal zel dawn bawk a ni.

EVM khawl Control Unit, Ballot Unit leh VVPAT-te hi ECIL Company siam niin, Company lam atanga lokal Engineer rualte'n an endik a. Heng Vote thlakna khawl te dahna hmun hi hawn a nih dawn reng rengin Political Party aiawh te hriatpuina ngeiin hawn thin niin nimin-ah pawh hian BJP, INC, MNF leh ZPM Party aiawhte an tel a ni.

Comments

Popular News (Last 30 Days)

Vawiin-ah HSSLC Exam result