Remna ni pualin thisen pe

Zonuna Kawlni /

Kumin a Remna ni lo thleng tur pualin nimin khan Serchhip District-a Home Department hnuaia thawktu hrang hrangte chuan Serchhip Blood Bank a dah turin thisen Unit 9 an pe.
 Mizoram sawrkar in tun thla ni 30-a Remna ni hman turah ruahmanna hrang hrang a siam, Serchhip District a bawhzuina kal zelah Police Hqrs. chuan Police te chu Remna ni pual hian thisen pekna hun buatsaih tura a tih angin nimin khan Serchhip Blood Bank-ah thisen pekna hun hi buatsaih a ni a, he hunah hian Serchhip District Executive Force (Police) bakah Fire & Emergency Services (F&ES), MPRO leh 2nd Bn. MAP-a thawk ten thisen hi pein mipa 9 ten thisen an pe a, thisen petu zingah hian Addl. SP Saidingliana Sailo telin he hun hi Serchhip SP Vanlalnghenga leh Serchhip District Medical Superintendent Dr. ZD. Lalmuanawma ten an telpui a ni.

Serchhip District Hospital-ah hian tun thla ni 14 atang khan Remna ni puala thisen pekna hun hi hawn niin hemi atanga nimin thleng khan thisen Unit 36 an dawng tawh a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »