Remna Ni pualin Quiz Competition neih a ni

Tun thla ni 30-a Remna ni lo thleng tur pualin nimin khan Mizoram District tinah High School zirlaite pualin Quiz competition neih a ni a, Serchhip District-ah pawh Quiz Competition hi neih a ni.
School Education Department-in Remna Ni puala a buatsaih Quiz Competition hi District khawpui tinah DEO/DPC, Samagra Shiksha te kaihhruaina a neih niin thupui atan ‘Political History of Mizoram: 1947 (Post independence) to 1987 (Statehood i.e 20th February 1987) tih hman a ni a, Mizoram District hrang hrangah High School 157 atangin Team 174 an tel thei a, Team khatah hian naupang pahnih zel awmin Mizoram pumah zirlai 348 an tel a, School thenkhat atangin Team pakhat aia tam an tel a ni. Remna ni puala Quiz competition hi District Level leh State Level a neih tur niin District tina tithate hi State Level-ah an intihsiak leh dawn a ni.

Serchhip District-ah pawh Remna ni puala Quiz Competition hi nimin khan Lalro Digital Studio-ah neih a ni a, he intihsiakna ah hian Serchhip District chhunga High School 10 atangin Team pakhat theuh, an vaiin Team 10 an tel a, a pumpuiah Govt. JM H/S Serchhip chu pakhatna niin pahnihna Govt. Chhiahtlang H/S leh Presbyterian English School chu pathumna an ni a. Serchhip District-a pakhatna Govt. JM H/S hian State Level-a intihsiakna ah Serchhip District ai an awh dawn a ni. State Level intihsiakna hi tun thla ni 27 khian Aizawl-ah neih tur niin a tithate hnenah hian District leh State Level-ah pakhatna in Rs. 30,000/-, pahnihna in Rs. 20,000/- leh pathumna in Rs. 10,000/- an dawng dawn a, tun thla ni 30-a Remna ni lawmna ah lawmman te hi hlan an ni ang.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man