Raltlan sing khat aiin tam

Manipur State-a buaina thleng avanga sahimna zawnga Mizoram-a raltlan rawn lut chu nimin tlai thleng khan mi sing khat aiin an tam ta a, sawrkar chhinchhiahna atanga a lan danin nimin tlai dar 5:00 thleng khan raltlan rawn lut hi mi 10,091 an tling tawh a ni. Raltlan rawn lut hi Kolasib District-ah tam berin mi 3558 an awm tawh a, Aizawl District-ah 3536 leh Saitual District-ah 2440 awm tawhin, Champhai District-ah 232, Mamit District-ah 109, Khawzawl District-ah 64, Lunglei District-ah 63, Serchhip District-ah 54, Siaha District-ah mi 11 leh Hnahthial District-ah mi 6 an rawn lut tawh bawk a, Mizoram District 11 zingah Lawngtlai District-ah chiah raltlan rawn lut hi an awm lo a ni.