Remna ni puala thisen pekna hun buatsaih dawn

Remna ni 2023 pualin tun thla ni 13 atanga June 30, 2023 thlengin Serchhip Blood Bank-ah a thlawna thisen pekna hun hawn a ni dawn.

Serchhip District Bawrhsap hova kumin a Remna ni hman dan tur ngaihtuaha thutkhawm May 19-a neih in kumin a Remna ni pual hian a thlawna thisen pekna hun buatsaih nise tia an lo rel tawh bawh-zuiin nimin khan Serchhip Blood Bank hotute leh Association for Voluntary Blood Donation (AVBD) Serchhip Branch hruaitute chu Ser-chhip Blood Bank-ah an thukhawm a, tun thla ni 14-a khawvel puma thisen petute ni, World Blood Donor Day hmanna ah Remna ni puala Serchhip Blood Bank-a thisen pekna hun hawnna hi neih nise tiin hemi atanga June 30, 2023 thleng hian Remna ni puala thisen pekna hun hi hawn zui a ni anga. Sawrkar Pisa kai hun chhungin thisen hi pek theih a ni ang.

Nimin-a Serchhip Blood Bank hotute leh AVBD hruaitue thukhawm hian kumin a World Blood Donor Day hman turah hian sawrkar kum kalta chhunga midang tana thisen petu pawl hrang hrangte hnenah chawimawina leh lawmthu sawin hlan leh nise an ti bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man