PUC in zirlai chhuak turte thlahna hun an hmang

Pachhunga University College chuan zirlai zo mai tawh turte thlahna hun, Grad Dinner chu Inrinni khan PUC Auditorium-ah neiin MZU Vice Chancellor Prof. Dibakar Chandra Deka chuan a hmanpui a. PUC-ah hian zirlai 2980 awmin, chung zinga 991-te chu BA, BBA, B.Com leh BSc. niin Post-Graduate zirlai 44 an awm bawk a. Kum 2006 atangin an zirlai chhuak turte tan zirchhuah chawhlui, Grad Dinner an buatsaih thin a, COVID-19 avangin kum 2020 leh 2021 khan an buatsaih thei lo a, kumin hi a vawi 16-na a ni. Kumin a zirlai chhuak turte hi BA-569; BBA-39; B.Com-68 leh B.Sc-314 bakah MA 22 leh M.Sc 22; an vaiin zirlai 1035 an ni.