Kolasib District MJA in zangnadawmna pek en zui

Kolasib District MJA te chuan Vairengte leh Aizawl inkar National Highway 4-Lane compensation semchhuah tawhah thil mak tak tak a awm nia a lan thu an sawi.

Kolasib District MJA te hian Vairengte leh Aizawl inkar kawngpui NHIDCL-in an laih zauh tura zangnadawmna (compensation) sem tawh chungchang RTI hmanga an zawhna chhanna an dawn behchhana thil awmdan an chhui zuina ah a thawh hnihna atan Inrinni (June 17, 2023) khan Vairengte leh Chhimluang khua te an tlawh leh tih an sawi a. Khawtlang hruaitu ttenkhat te an kawmna atangin khawtlang hruaitu pakhat chuan anmahni ram bakah mi dang ramah a chhungte hminga pass lem siamin compensation an la tih an sawi a, compensation buaipuitu Official zinga mi chhungte hminga VC pass lem siam hmangin cheng nuai 73 chuang lak a ni tih hriatchhuah a nih thu leh compensation awm theih lohna nia ngaih ram thenkhata Compensation tam tak lak leh he kawng laihin a paltlang loh tur rama Compensation pekchhuah a awm thu an sawi a ni.

MJA, Kolasib District hruaitute chuan 4-Lane kawngpui sial turah Compensation semchhuah tawh hnua hetianga hma an lak chhan chu mi tihhmingchhiat a, Court-a thubuai awrh tir an tum vang leh mimal huatna an neih vang a nih loh thu an sawi a, he compensation sem chhuah ah hian uchuak taka sum lem siamna a awm ngei ni-a a lan avang te, Official leh khawtlang hruaitute zingah pawh thil dik lo tih hreh lo an awm ni-a a lan avanga hetianga hma la hi an nih thu an sawi a, hmasawnna hna thawh a nih dawn apianga uchuak taka compensation buaipui luai luai leh hna pawh tan hleithei lova buai a ngai fo thin a bo nan leh sawrkar hnathawk leh khawtlang hruaitu tur thlanchhuahte hetianga an inhnamhnawih thin a bo theih nana hmala an nih thu an tarlang a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man