PP Tiles hmanga Basketball Court siam hawng

Mizoram Sawrkar hnuaia Interlocking Polypropylene (PP) Tiles hmanga Basketball Court siam hmasa ber, Khawzawl Basketball Court chu nimin khan Deputy Chief Minister Tawnluia chuan a hawng.

Khawzawl Electric Veng PHED Complex-a Basketball Court hawnna hunah hian bialtu MLA ni bawk Tawnluia chuan Mizoram sawrkar in hmanraw tha tak hmanga Basketball Court puitling Khawzawla a siam leh hman theiha hawn a ni ta chu lawmawm a tih thu a sawi a. UD&PA kaltlangin Khawzawl-ah infiamna ruhrel hrang hrang siam a nih thu sawiin, Mualvawm Field Artificial turf phah te, Khawzawl Dinthar Veng-a Artificial Turf Volleyball Court siam te, PWD Complex-a Tennis Court tuaihnum te leh Khawzawl Vengthar-a Mizoram pum huap thleng zo Badminton Court siam a nih thute a tarlang a ni.

PP Tiles Basketball Court hi UD&PA Department kaltlangin Rs. 38,00,000/- senga siam a ni a. Khawzawl Basketball Court hi Mizoram Sawrkarin outdoor-a PP Tile Basketball Court a siam hmasak ber niin Tile leh cement inkarah tui tling thei lo tura duan a ni bawk.

Comments

Popular News (Last 30 Days)

LPG man bithliah thar