High Court building tlawh

Chief Minister Zoramthanga chuan nimin khan MINECO-a High Court building sak chu Gauhati High Court-a Chief Justice, Justice Sandeep Mehta hovin an tlawh a, Chief Minister chuan Gauhati High Court Chief Justice in Mizoram a rawn tlawh chu lawmawm a tih thu sawiin, High Court building thar chu hawn thuai a niha tangkai taka hman a beisei thu a sawi. Justice Sandeep Mehta pawhin High Court building sak chung-changah a bulthut atanga a hmawrbawk thlenga Mizoram sawrkarin duhsakna an chan avangin lawmthu a sawi a, sawrkar laipuiin e-compliant tura Court System a beisei ang te chu ngaih-pawimawh a nih danah te lawmthu a sawi bawk. High Court building hi NLCPR atanga sum hmuh cheng nuai 4624 hmanga sak niin sum sanction in a ken telloh tul leh mamawh dang hrang hrangte siam nan state sawrkarin SEDP leh sum hnar dang atangin hna thawh a ni bawk.