North Vanlaiphai-ah Green Mizoram Day hman a ni

Green Mizoram Day 2023 chu nimin khan North Vanlaiphai Civil Sub-Division ah pawh DFO North Vanlaiphai  Division bultumin hman a ni a, thingtiak engemaw zat phun a ni bawk.
Green Mizoram Day puala hian  North Vanlaiphai-a Sanpohkawn-ah hun hman hmasak niin he hun hi North Vanlaiphai DFO C. Lalkhawthanga chuan a kaihruai a, he hun hmanpuitu North Vanlaiphai SDO (Civil) R. Lalnunkimi chuan DFO leh a thawhpuite zara North Vanlaiphai-ah Green Mizoram Day hman a ni chu lawmawm a tih thu sawiin, ramngaw humhalhna kawngah nasa taka tan la tur leh thing leh mau humhalh kawngah mite tana entawntlak ni turin he huna kalkhawmte chu a chah a ni.


Nimin-a he huna tel te hian ‘Green Mizoram Day 2022 thutiam’ chu Vanlalruati, Forest Guard, N. Vanlaiphai Forest Range kaihhruaiin an chham rual a, hemi hnu hian North Vanlaiphai khua a YMA Branch 4 atanga thawkchhuak te leh Forest Department-a thawktute ten thingtiak an phun zui a ni. Kumin hian Sakeitlak mual kawngpui kamah thingtiak phun hna hi kalpui a ni a, he huna tel YMA Branch pali te hian thingtiak 18 theuh phunin, EF&CC Department in thingtiak 18 an phun bawk a. Thingtiak an phun zawh hnu hian kum kalt^ lama an thingphun te enkawl zui hna an thawk bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man