NGO in thlavang hauhna hun hman an rel

Mizoram-a tlawmngai pawl hrang hrang telna NGO Co-Ordination Committee chuan Manipur tualchhung buaina vanga Zohnahthlakte thlavang hauhna hun chu tunkar Zirtawpni, June ni 23 khian Aizawl-a Raj Bhavan Hmar lam Gate bulah neih an rel.

Nimin khan NGO Co-Ordination Committee hi Aizawl-a Central YMA Committee Room-ah thukhawmin Manipur tualchhung buaina avanga Zo hnahthlak ten In leh lo chan a, harsatna nasa tak an tawk mek chu pawi an tih thu an sawi a. Heng an tawrhna hrang hrangte an tuarpuina lantirna tur leh an thlavang hauh nan hian tun thla ni 23 chawhma dar 11:00 khian Aizawl-a Raj Bhavan Hmar lam Gate bulah thlavang hauhna hun hi hman nise tiin an rel a. He hunah hian Mizo zawng zawngte tel vek turin an sawm nghal bawk a ni. NGO Co-Ordination Committee chuan District hrang hranga Sub-Hqrs. YMA bakah YLA leh MTP te pawh NGO dangte phungbawma sawmin he hun hi lo hmang vek an ngen nghal bawk a ni.

Comments

Popular News (Last 30 Days)

LPG man bithliah thar