NGO hmalakna senso phuhruk nan CMRF pechhuak

Manipur-a hnam chi hrang kara buaina chhuak kaihhnawiha NGO Co-Ordination Committee, Mizoram-te hmalakna pawimawh senso tul phuhruk nan Rs. 2,62,718/- pekchhuah a nih thu Chief Minister Zoramthanga chuan Instagram-ah a tarlang a. Chief Minister's Relief Fund (CMRF) hmanna tura thuneitute pawmpuina leh remtihnain heng sum te hi pekchhuah a nih thu a tarlang bawk a ni. Chief Minister chuan CMRF atana sum lut leh hmanna (receipt & expenditure) te hi fel fai tak leh langtlang taka vawn vek a nih thu pawh tar-langin, March 27, 2020 atanga February 23, 2023 inkarah CMRF atana sum lut zawng zawng chu Rs. 31,38,45,636/- niin Rs. 30,84,07,755/- chu hmanral a nih tawh thu leh June 13, 2024 thlengin Rs. 54,37,881/- ala awm thu pawh a tarlang a. CMRF hi COVID-19 do nan leh thil tul dang tam takah tangkai taka hman thin a nih thu pawh a tarlang bawk a ni.