Mizoram DGP in Lunglei District a tlawh

Mizoram Director General of Police (DGP), Devesh Chandra Srivastva chuan nimin khan Lunglei thlengin Police hmun hrang hrangte a enfiah.

Lunglei SP Conference Hall-a amah lo lawmna hunah DGP chuan Police te indaihlohna chu hmun tinah a awm rih sawiin, damlohna avanga harsatna tawk te, training indawt zut vangte leh remchan mai rihlohna avanga Post hnawhkhah mai rem lo engemaw zat awm vangte a nih thu a sawi a. Police te chu taima zawka thawk tur leh thawktu indaihlohna avanga VDP leh khawtlang hruaitute thawhpui thiam a pawimawh thu sawiin, khawi hmunah pawh pawikhawihna a thlenin Police te chuan thubuai an ziaklut hreh tur a ni lo tih a sawi bawk.

Lunglei Police hotute chuan DGP hnenah hian an mamawh hrang hrangte an lo thlen a, Lunglei Police Station thawmthat hna thawh mek chu DGP hian tlawhin Luangmual-a 2nd Battallion MAP Hqrs. leh Hrangchalkawn Police Out-Post te a tlawh bawk a, DGP ho hian Sammelan neiin Sipaite atangin an harsatna te a ngaihthlak sak a, a theih ang angin hma a lak sak zel tur thu a sawi bawk.

Comments

Popular News (Last 30 Days)

Vawiin-ah HSSLC Exam result