Mizoram aiawh turin Serchhip Boxer thlang

/

Serchhip Khawtetlang nula Vanlalrinngheti chu 6th Youth Women's National Championship khelh turah Mizoram aiawh tura thlan a ni.

6th Youth Women's National Championship hi tun thla ni 26 atanga July 1, 2023 chhung khian Bhopal, Madhya Pradesh-ah khel a ni dawn a, Mizoram aiawh tur hian Boxer paruk thlan niin Vanlalrinngheti hi kg. 54 leh kg. 57 inkar-ah a khel dawn a, nimin khan Boxer dangte nen Bhopal panin Aizawl an chhuahsan a ni. Vanlalrinngheti hian nikum khan East Zone (NE bakah East Bengal telin) Boxing inelna ah Gold Medal a lo la tawh a, Serchhip District Boxing Association (SEDBA) chuan Mizoram aiawha fehchhuak thei Boxer an nei chu lawmawm an tih thu sawiin, Vanlalrinngheti chu hlawhtlinna chang ngei turin an duhsak tih an sawi bawk.

Vanlalringheti baka Mizoram aiawh tur mi 5 te hi - C. Lalruatfeli, Central Jail Veng (45kg - 48kg); Lalthakimi, Baktawng (48kg - 50kg); Lalnunthari, Tuipui (50kg - 52kg); Lalbiaknii, New Diakkawn Kolasib (52kg - 54kg) leh Rebecca Lalfakawmi, Chuhvel Mamit (57kg - 60kg) te an ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »