Remna ni lawmna pualin Essay inziahsiakna nei
Serchhip DC Office, Serchhip District Education Officer (DEO) Office leh Samagra Ser-chhip DPC Office buatsaiha Govt. Higher Secondary School-a Essay inziahsiakna ah hian thupui atan ‘Political History of Mizoram 1947 (Post Independence) to 1987 (Mizoram Statehood)’ tih hman niin Serchhip District chhunga Higher Secondary School pakua (9) atangin zirlai 22 an tel a. Serchhip SDEO leh Samagra-a Addl. DPC Vanlalmuka chuan hmanpuiin he intihsiakna a titha pathum thlanchhuah te hnenah lawmman siam a ni dawn a, State Level intihsiakna ah Serchhip District aiawhin an tel dawn bawk a ni..
Nimin vek khan chawhnu lamah Serchhip District Superintendent of Police (SP) Office leh Education Department tangkawp buatsaihin High School leh Higher Secondary School zirlai nau-pangte tan a hmun ngai ah ruihhlo dona hmalakna chikhat atan ‘Ruihhlo Thalaite hmelma’ tih thupui ah hmangin Essay inziahsiakna neih chhunzawm a ni a. He hun hi Serchhip SDPO Kaste Romal-sawma chuan kaihruaiin Ruihhlo in nasa takin kan ram a run a. A bikin thalai ten an ti nasa a, ruihhlo chu thalaite hmelma a nih thu a sawi bawk.
He intihsiakna ah hian zirlai za chuang telin he hun hmanpuitu Serchhip DEO Lawmawma chuan zirlai naupang ten ruihhlo an duhlohna an lantir nana intihsiakna a an tel chu lawmawm a tih thu a sawi a. Tunlaiin Mizo thalai tam tak ruihhlo bawih-ah an tang mek tih sawiin, Mizoram hma hun, kan nakin hun hi thalaite kutah a awm avangin ruihhlo lakah kan in thiarfihlim a tul thu a sawi a. Tihdamna awmlo natna khirh tak HIV/AIDS thlentu anih bawk avangin ruihhlo laka fihlim turin zirlai kalkhawmte a chah bawk a ni. Heng Essay inziahsiakna a lawmman te hi tun thla ni 30-a Remna ni lawmna ah sem a ni ang.
Comments
Post a Comment