Minister in DLEO Siaha Office buildang thar a hawng

Labour, Employment,Skill Development & Entrepreneurship Department changtu Minister Lalchhandama Ralte chuan nimin khan Siaha-ah DLEO Siaha Office buildang thar a hawng.

Building hawnna inkhawm ah LESDE Minister Lalchhandama Ralte chuan Labour & Employment Department chu Mizoram a Department Senior ber pawl te zinga mi ni mah se a langsar lutuk lo tih a sawi a, Skill Development leh Entrepreneurship te dah belh a nih atang hian Department pawimawh tak leh mawhphurhna ngah tak Department a ni chhö mek tih sawiin, Siaha DLEO building thar hawn theih a ni ta chu lawm-awm a tih thu a sawi bawk.

Siaha-a DLEO Office building hi Oct. 31, 2012 khan Electric short circuited avangin a lo kang chhe vek tawh a. Kum 2018 khan Special Plan Project hnuai atangin cheng nuai 15. 94 hmuin, building sak that hna hi thawh tan a ni a. Amaherawh chu sak zawh nghal vek theih a nih loh avangin December,2022 khan SEPD atangin cheng nuai 14.40 hmuh leh a ni a, he sum hmang hian sak zawh a ni a. DLEO Office building hi Zopa chhiarin chhawng 2 niin, chhawng khatna ah hian Office awmin, a chhawng 2-na hi Model Career Centre atan a hman a ni.

LESDE Minister Lalchhandama Ralte hian nimn vek khan Govt. Siaha College-ah Siaha District Job Fair hawnna leh mahni kutke hmanga eizawngtute hamthatna scheme hrang hrang-a in register duhte tana hun buatsaih chu a hmanpui bawk a, District Level-a a hmasa ber ni tura Job Fair an buatsaih thei chu lawmawm a tih thu leh thla hmasa khan Aizawl-ah Mega Job Fair buatsaih a lo nih tawh thu a sawi a. Kha Job Fair atang khan thalai mi 200 velin ramchhung leh rampawn ah hna an hmuh tawh thu sawiin, tuna Job Fair pawh hi tangkai taka hmang turin duhsakna a hlan a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man