Mi pathum te hnenah Incentive Cash Award hlan

Mizoram Scholarship Board buatsaihin tunhnaia UPSC Exam hrang hranga tithate lawmpuina hun chu nimin khan hman niin Incentive Cash Award cheng nuai khat theuh hlan an ni.

Higher & Technical Education Minister Dr. R. Lalthangliana Pisa-a nimin-a he hun hmanna ah hian Dr. R. Lalthangliana chuan UPSC exam buatsaiha tithate chu a lawmpui thu leh chhuanawm a tih thu sawiin, an thlen chinah lungawi mai lovin a aia nasa zawka tang zel turin a fuih a. A bikin UPSC Civil Service Exam 2022-a interview thleng pha mi 2-te chu tun kumah la tling rihlo mah se, beidawng lova tan la sauh sauh turin a fuih a, engtik ni-ah emaw chuan an tum ram an thleng ngei ang tiin duhsakna a hlan a. India ramah ziak leh chhiar thiam tam lamah Mizoram chu dinhmun 2-na hauh pha State a ni chungin hnamdangte el pha tur chuan thiamna tak tak neih a ngai tih pawh sawiin, tunlai khawvelah mahni subject theuh chu thiam hneh a ngai tawh hle tih a sawi bawk.

Nimin-a he hun hmanna ah hian UPSC Civil Service Exam, 2022-a Interview thleng phak Betty Lalrinfeli leh K.C. Zalena te bakah Dayne Thiamsangliana (National Defence Academy & Naval Academy Exam (II) 2019) te hnenah Incentive Cash Award hlan an ni a, Principal Secretary, Higher & Technical Education Department Esther Lalruatkimi leh Scholarship Board Secretary Dr. P.L. Ramliana te pawhin fuihna thu an sawi bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar