Meitei aiawh ten Larsap hmu

Mizoram-a cheng Meitei mipuite aiawhin an hruaitute chuan nimin khan Governor Dr. Hari Babu Kambhampati chu Raj Bhavan-ah an kawm a, Mizoram-a Meitei Hruaitute chuan tunhnaia Manipur buaina chu thinlung taka pawi an tih thu sawiin, remna leh muanna a awm leh thuai an duh ber tih an sawi a. Hetih laiin remna leh muanna duh Mizo mipuite zingah an cheng chu vannei an in tih thu sawiin, an thla a muang tih an sawi a. Tunhnaiah Mizoram Sawrkar hotulu te, YMA hotute leh Zirlai Pawl hruaitute an biak tawh thu te, an tawngkam chhuak leh an lo dawnsawn dan ah te an thlamuan thu an sawi bawk. Mizoram Meitei Welfare hotute hian Manipur State-ah a rang thei ang bera remna leh muanna a awm theih nan India President hnenah ngenna an siam a. An ngenna hi lehkha a ziakin Governor chu thehluh sak turin an ngen a ni.