Leimin vangin In chhia awm

Nimin zing dar 2:30 vel khan Mamit Vengthar-a Rokhawmthangi (L) tu leh fa te chenna In chu a chhak lam atanga lung lum in delhin a chim a, mihring thi leh hliam an awm lo.

Thudawn danin he In hi Assam Type building niin Zopa chhiara chhawng hnih a ni a, nizan hmasa khan an kawm-chhak lamah leimin a awm avangin In neitute hi hmun him lamah an riakchhuak a, zanlai pelh hnuah chhaklam atanga lung lum chuan an In hi a delh chhe ta a ni. Vanduaina thlenna hmun hi Mamit a zin Minister Er. Lalrinawma chuan tlawh nghalin DM&R atanga tanpuina Rs. 1,30,000/- a hlan bakah hnatlang thingpui lumna tur Rs. 5000/- a hlan a, bialtu MLA Er. H. Lalzirliana pawhin vanduaina tawk te hi Rs. 5000/- a hlan bawk.

Niminpiah chhun dar 12:00 vel khan Kolasib Vengthar huamchhunga Lalthiangi In, Assam type chu ruahsur laia chimin In neitute hi an inthiar-fihlim hman a, In chim chhan hi hriat theih ni lo mah se, ruahsur in lei tihnip in a min pui nia ngaih a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man