Mamit-ah H/S-a zirlai ten kawng an zawh

Mamit High School-II zirlaite chuan nimin June 19, 2023 khan an School tana Science Teacher ngei lak phutna atan Mamit khawpui chhungah kawng an zawh.

Thudawn danin, Mamit H/S-II a zirtirtu pakhat chu December, 2022 khan a boral a, School Education Directorate chuan Mamit H/S-II tana zirtirtu lak phalna chu kumin February 2 khan tichhuakin hei hi Mamit DEO chuan hmu mai lovin April 5-ah an dawng chauh a. Mamit DEO chuan May 12-ah Zirtirtu lakna tur Advertisement chhuah theih a nih theih thu School Management Board a hriattir angin June 7-a Interview nei turin Advertisement chhuah nghal a ni a. He hna dil thei tur hi B.Sc, B.Ed tih niin hei hi tu te emaw lungawilo chuan Advertisement chhuah chungchang ah hian Legal Notice an siam avangin Interview hi thulh a ni a. Hemi hnu hian Advertisement thar tichhuak lehin nimin kha Interview hun tura tih a ni a, amaherawh chu Mamit DEO chuan hriattirna thar tichhuakin, Interview neih tur chu thulh a nih bakah he hna hi Graduate tawh phawt tana dil theih turin a ti leh a. Hei hi duh lovin zirlaite hian kawng hi an zawh a ni.

Mamit H/S-II zirlaite chuan dan ang thlapa thil tih a nih mek laia duhsak zawng thun tumna avanga harsatna an tawk chu an hriatthiam loh thu an sawi a, MBSE in ‘High School-ah Science Graduate pahnih tal an awm tur a ni’ a tih laiin an School-ah Science Zirtirtu pakhat chauh a awm thu leh hetiang a nih mek laia Science Graduate chin chauh dil theih tura tih tawh hnuhlet leh a ni chu an duh loh thu an sawi a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man