Governor in thei leh thlai zuartute a kawm

Governor Dr. Hari Babu Kambhampati chuan Inrinni khan Aizawl Tennis Court bulhnaia Thei leh thlai zuartute kawmin an sumdawnna kalpui dante a enpui bakah hlawk zawka an kalpui theih nan an mamawhte a sawipui.

Governor chuan heng thei leh thlai zuartute hi an thil zawrhna ah kal chilhin sumdawngte mamawh thurawn leh Bank Loan chungchanga hriattur pawimawhte lo hrilh hre zel turin Bank hotute pawh an tel a. Governor chuan thei leh thlai zuarte chu Sawrkar laipuiin an hamthatna tur Scheme hrang hrang a duan leh Street Vendor te hmasawn nana loan puk theih dante a hrilhfiah a, mi harsa ber tan pawha harsa lo te a inziahluh theihna Social Security Scheme hrang hrang awmte chu zawm ve theuh tur leh an thian dangte pawh hrilh chhawng ve zel turin a chah a ni.

Governor leh Bank hotute hian inkawmna an neih tawh ah thei leh thlai zuartute kawmna hun chungchang hi an lo sawiho tawh thin a, Sumdawngte hmakhua ngaiin Sawrkar laipuiin loan chi hrang hrang (MUDRA, SVANIDHI) leh Social Security Schemes (PMJDY, PMSBY, PMJJBY) a tihchhuah te chu nasa zawka mipui te zingah awareness pek a nih theih nana hmalak an lo sawiho tawh thin a ni.