EVM First Level Checking nei

Serchhip District-a Vote thlakna khawl awm te enfiahna hmasa, First Level Checking chu nimin khan neih tan niin tunkar Zirtawpni thleng khian neih a ni ang.
Mizoram Assembly inthlanpui neih tur atana inbuatsaihna kal zelah EVM First Level Checking neih tur atana niminpiah-a User Acceptance Test (UAT) neih a nih hnuah nimin khan Serchhip DC Conference Hall-ah EVM leh VVPAT te enfiahna hi neih tan a ni a. Serchhip Election Officer Lalrinsanga Hnamte chuan tun dinhmunah Serchhip District-ah Ballot Unit (BU) 154, Control Unit (CU) 187 leh VVPAT 150 an neih mek thu sawiin, heng khawlte hi Political Party hrang hrang aiawhte hriatpuina in a vawn thatna hmun atanga lakchhuah niin ECIL Engineer-te kaihhruainain endik an ni ang tih a sawi a. A endik thawhkhatna (FLC) hi Zirtawpni-a zawhfel hman tura ruahman niin chumi hnuah heng khawlte hi an hmantlak ngei em tih finfiah nan vote thlak chin runpui (Mock Poll) neih chhunzawm leh a ni ang.


EVM First Level Checking hi Serchhip Addl. DC James Lalnithanga chuan Supervisor niin a hmanpui a, Web Casting hmangin Aizawl atangin Election Commission hotute pawhin he hun hi an thlir bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man