Hna thawh tur 80% vel zo

Serchhip District chhung Chekawn leh Artahkawn inkar kawngpui siamthat hna thawh mek chu hnathawh tur atanga za zela 80 vel thawh zawh a ni tawh.
Serchhip District chhunga Tuichangral panna kawngpui-a kawng chhe zual ni thin Chekawn leh Artahkawn inkar kawng km 7.5-a thui hi Special Assistance to States Capital Investment (SASCI) sum cheng vbc. 7.09 sengin SLT Infrastructure Company ten a siam-that hna hi an thawk a, tunah hian hnathawh tur zawng zawng atanga za zela 80 vel zawhfel ni tawhin Varhva lui leh Artahkawn inkar hi zawhfel thawkhat a ni tawh a, Varhva lui leh Chekawn inkar lamah thawh tur tlem la awmin tunhnaiah ruahtui a tlak avangin duh anga hnathawh a chak theih loh thu he kawng enkawltu PWD hotute chuan an sawi a ni.