District Hqrs. entawntlak ah Hnahthial siam tum

Chief Minister Zoramthanga chuan Hnahthial khawpui chu District Headquarter entawntlak taka siam tum a nih thu a sawi.

Chief Minister hi nimin khan Hnahthial-ah kalin hmasawnna hnathawh thenkhat te a en a, Hnahthial PWD IB-a amah lo hmuahna hunah Chief Minister chuan District thar puan a nih hnu ah sawrkar chuan DC Office dinna tur cheng vbc. 10 theuh District thar pathum tan dah a nih thu leh theihtawpa harsatna hrang hrang kara hmalak a nih zel thu a sawi a. Heng District thar pathum a hmalakna te a enpui dan leh a daihzai zawnga DC hmunhma chu Office pakhat aia tam te'n an hman tangkai tura ruahman a tul thu a sawi a. Khawtlang mipui te pawhin thahnemngai taka an khua leh District hmasawnna turah an lo tawiawm zel a pawimawh thu a sawi a ni. Chief Minister chuan ram changkang leh upa tak tak, kum za tél hmasawnna lo kalpui tawhna te anga kan ram siam ve tur chuan kum hnih khat chauh a tawk loh thu leh hma kan sawn tir theih dan tur hmathlir (vision) thui tak nen erawh chuan thahnemngai taka beihin ram entawntlak ah kan la siam theih thu a sawi a. Chu hmathlir ti hlawhtling tur chuan tunah pawh theitawp chhuah a hma lak zel a nih thu a sawi bawk.

Chief Minister hian DC Office Complex tlawhin thawktute nen inkawmna an nei a, Circuit House sakna tur hmun enfiah bawkin DC Complex-ah hian DC Office bakah Revenue leh ICT te an awm a. A bulah UD&PA Office awm bawkin, a bulhnai sawrkar ramah Department dang Office sak tura ruahman zel a ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man