Cricket-ah Serchhip Dist. chak
Niminpiah atanga Lunglei Thuamluaia Mual-a khelh 2nd Inter District Cricket Tournament-ah hian nimin khan Serchhip District leh Champhai District hi inhmachhawnin Toss-a chak Champhai District in vuak hmasak an thlang a, Overs 20-ah Wicket 9 hlohin run 112 an siam a, C. Zoramthara chuan Wicket 3 lain R. Lalrinfela, Lalbiakzuala leh Lalramthianga te chuan Wicket hnih theuh an la bawk a. Serchhip District hian Bat chhunzawm nghalin Overs 16.4-ah Wicket 5 hlohin an target hi an umphak a, Wicket 5 in hnehna an chang a ni.
Serchhip District tan hian Vanlalhruaia chuan run 58 siamin a tawp thlengin a ding a, C. Zoramthara chuan run 12 siamin midang zingah run 10 siam tling thei an awm lo a, amaherawh chu Extra run 21 lai an neih bawk avangin harsa lutuk lovin hnehna an chang a. Serchhip District player Vanlalhruaia chu Player of the Match atan thlan niin he match-ah hian Best Batsman a ni nghal a, Serchhip District atang bawk Lalramthianga chu Best Bowler atan thlan a ni bawk.
Cricket Association of Mizoram (CAM) buatsaih 2nd Inter-District Tournament-ah hian District 7 ten Team tirin Pool A-ah Kolasib DCA, Lawngtlai DCA, Lunglei DCA leh Saitual DCA te awmin Pool B-ah Champhai DCA, Serchhip DCA leh Siaha DCA te an awm thung a. Niminpiah a Pool A inkhel ah Kolasib DCA in Saitual DCA chu Wicket 10-a hnehin Lawngtlai DCA in Lunglei DCA chu Wicket 3 in an hneh bawk a, Siaha DCA in Champhai DCA chu Run 12 in an hneh bawk a ni.
Vawiin hian zing dar 9:00-ah Kolasib DCA leh Lunglei DCA te inhmachhawnin chawhnu dar 1:00-ah Siaha DCA leh Serchhip DCA te an inhmachhawn leh dawn bawk a ni.
Comments
Post a Comment