CM hovin Airport chungchang ngaihtuah a ni

Kumin kumtir lam Feb. 11 leh April 14-a thutkhawm neiha lo ngaihtuah tawh bawhzuiin nimin khan Chief Minister Zoramthanga hovin CM Conference Hall-ah Lengpui Airport inrelbawlna leh venhimna chungchang sawiho a ni a. Lengpui Airport hungna siam tur chungchang leh Survey neih chungchanga hmalakna te, Security bungrua thuamthat te, CCTV System tihchangtlun te, Post thenkhata thawktu indaihlohna chungchanga hmalak dan te, Training pek leh thu pawimawh dang sawiho a ni a. Heng bakah hian Mizoram chhim lama Green Field Airport siam tur chungchanga hmalakna te, Tuirial Airfield siamthat leh hmun hrang hranga helipad te tihchangtlun chungchangte sawiho a ni bawk.