Chhiahtlang HSS in HSSLC result lawmna hun hmang
Chhiahtlang Higher Secondary School-a pass lawmna hunah hian bialtu MLA Er. Lalrinawma chuan he School atanga Zirlai pass thar te chu a lawmpui thu leh result tha tak tak an nei thin chu a lawmpui thu a sawi a. he School building thar sa tura hma an lakna te tarlangin, a bultanna atan MLA Fund chhuak leh hmasa berah cheng nuai thum (3) a pek tur thu a sawi bawk. Bialtu MLA chuan kan ram hian mi rintlak tak a mamawh thu sawiin, chutiang mi nih tum tur chuan zirlai kalkhawmte chu a chah a. Tunlai khawvel inelna sang takah theihtawp chhuaha bei thin ten hlawhtlinna an chang thin tih hre reng turin zirlaite chu a chah bawk.
He School Principal Lalawmpuii Ralte chuan report pein kumin a HSSLC Exam-ah khan an School atangin zirlai 20 exam in an pass vek thu leh Distinction ah pakhat pass in, 1st Division-ah 5, 2nd Division-ah 9 leh 3rd Division-ah 5 in an pass thu a sawi a. An School chu kum 2014-ah khawtlang tangrual in dinin hemi kum atang hian HSSLC Exam pawh an hmachhawn thu a sawi a. Kum 2017-ah Provisional Permit hmuin kum 2018-ah Lumpsum Grant-in-Aid dinhmuna hlankai an nih thu leh kum 2014 atanga HSSLC Exam an hmachhawn ah mi 166 exam tawhin a din tirh kum ah mi pakhat in a fail tihloh chu kumtin zirlai exam zawng zawng an la pass vek thu a sawi a. A din tirh kum-a fail pawh hi a kumleh ah exam lehin a pass leh thu a sawi a. School din tirh atang hian Distinction-ah 12, 1st Division-ah 52, 2nd Division-ah 75 leh 3rd Division-ah 26 in an pass tawh a. Kumin hian pawl 11-ah zirlai 20 leh pawl 12-ah zirlai 29, an vaiin zirlai 49 an neih thu leh Principal bakah Lecturer 4 leh Peon-cum-Chowkidar mi pakhat an thawh thu a sawi bawk.
.jpeg)
Nimin-a he hun hmanna ah hian Zirlai pass thar te hi lawmpuina hlan an ni a, an School atanga Distinction-a pass hi School Managing Board chuan lawmpuina Rs. 1000/- an hlan bawk a ni.
Comments
Post a Comment