AMC tan vbc. 30.65 leh LMC tan vbc. 6.35 ruahman

/

Kum 2023-2024 Urban Local Body Grants dawn tur cheng vbc. 37 atangin AMC in cheng vbc. 30.65 leh LMC in cheng vbc. 6.35 chang tura ruahman a ni.

Hemi chungchang hi Zirtawpni a Aizawl Municipal Corporation (AMC) Board of Councillors thutkhawmnaa Cash & Accounts changtu Executive Councillor Lalringliana'n sawrkar kum kal mek 2023-24 chhunga AMC Budget a pharhnaah tarlan a ni a, sawrkar kum kal meka AMC sum hman tura ruahman hi a vaiin Rs. 114,79,11,314 a ni a. The Mizoram Municipalities Act, 2007-in a phut ang chuan AMC Budget hi March ni 10 ralhmaa pharh tura tih a ni a; amaherawhchu, Lunglei Municipal Council (LMC) inthlan avang leh hei hian Urban Local Body Grants insem dan tur a nghawng avangin Budget hi pharh tlai a ni tih a sawi.

Ruahman dan chuan Urban Local Body Grants hi cheng vbc. 37 dawn beisei a ni a, heta tanga zaa 82.82 (cheng vbc. 30.65) chu AMC chan tura ruahman niin, a bak zaa 17.17 (cheng vbc. 6.35) chu LMC chan tura ruahman a ni. AMC Board of Councillors thukhawm hi Vawiin ah chhunzawm a ni dawn a, hetah hian  Zirtawpni a pharh tak kum 2023-24 chhunga AMC Budget chu sawihoa pass tum a ni ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »