Minister in Jeremy-a Inhmun LSC a hlan

Sports and Youth Services Minister Robert Romawia Royte chuan nimin khan a Office Chamber-ah Jeremy Lalrinnunga hnena In hmun LSC a hlan.

LSC hlanna inkhawmtawi buatsaih ah hian Sports and Youth Services Minister Robert Romawia Royte chuan Jeremy Lalrinnunga hnena LSC hlan tur hi thutlukna awm tawh, bawhzui ngai awm nual a nih thu sawiin, amaherawhchu Sports leh Revenue Department te leh sawrkar hotute hmalakna avanga hlan theiha a awm ta chu lawmawm a tih thu a sawi a. Dan pangngai in Sawrkar tan mimal hnen a ram pek chu thil harsa tak mai ni mah se Council of Ministers hial thukhawmin lungrual takin Jeremy Lalrinnunga hi Inhmun pek a nih thu a sawi bawk.

Jeremy Lalrinnunga aiawha LSC dawngtu a pa, Lalneihtluanga pawhin LSC pek an nih avanga sawrkar leh Sports Minister chunga an chhungkua an lawmzia a sawi bawk. He hunah hian Dr. Lalrozama Secretary, Sports and Youth Services pawhin thu sawiin, sawmbik mi thenkhat te he hunah hian an tel a ni.