Bomb hmanga luidung beitute hrem an ni dawn

Dapchhuah Branch YMA-in luidung an humhalh-a Bomb hmanga Sangha mantute chu manin Fisheries Act Section No. 6(2) hmanga hremna pek tum an ni.

Thudawn danin Dapchhuah Branch YMA ten Luidung an humhalh chhungah Inrinni kalta (May 13, 2023) zing dar 3:19 khan mi thenkhat te chuan Bomb vawmin heng mite hi an tlanchhe nghal a, Rawpuichhip Forest Check Gate a Duty te hriattir niin duty te'n Motor hi an lo tiding a, Motor park tha tur anga insawiin an tlanchhe chhunzawm ta a. An din lai hian an hmanraw hman bang Bomb leh Lensuah chu kawngchhak lamah paihin chhar a ni. Bomb hmanga luidung beitute chhuizui tur hian Phaileng Police Station-ah FIR thehluh anih angin hmalak zui nghal a ni a, hemi kaihhnawih ah hian mi 4 te chu niminpiah khan Police te chuan an man ta a ni.

Heng mi te hian The Mizoram Fisheries (Amendment) Act, 2022 section 6 (1) (a) an bawhchhiat avangin Fisheries Act Section No. 6(2) hmanga hrem an ni ang tih sawrkar chuan thuchhuah siamin a tarlang a, thla 2-4 thleng lung In tan tir leh Rs. 8000/- thleng chawitir emaw, a pahnih emaw a hrem theih an ni. Dapchhuah Branch YMA ten thuchhuah siama an tarlan danin heng thil titute hi Ricky Laldawngliana, Ramtharnghaka, Francis Lalmuanawma leh Lalrohlua te niin Tlangnuam Vengthar, Aizawl niin an sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar