Inter-Branch YMA Football Tournament khelh tan a ni dawn

Inter-Branch Football Tournament vawi 21-na chu Vawiin hian Aizawl-ah khelh tan a ni dawn a, khelmual hrang hrang 6-ah khelh tura ruahman a ni.

Central YMA leh Mizoram Football Association (MFA) te tangkawp buatsaih ‘LBS SUZUKI 21st Inter-Branch Football Tournament 2023’ khuhhawnna hi nizan hmasa khan Aizawl Vanapa Hall-ah neih a ni a, he Tournament-ah hian Central YMA hnuaia YMA Branch hrang hrang 145 te tel turin an inziaklut a, Vawiin (May ni 18, 2023) atangin inkhelh tan tur a ni dawn a, khelmual paruk (6) - RG Stadium, AR Lammual, MAP Ground Armed Veng, Muallungthu Ground, MFA Ground Sairang Dinthar leh Lengpui Ground-ah te khelh a ni ang.

He Tournament-a tel te hi Group 8-ah then niin Knockout System-a khelh a ni anga, Group tin atang hian a sang pali zel ten Round of 32 an lut dawn a, hriat theih chinah Serchhip Sub-Hqrs. YMA huamchhung atangin Chhingchhip Venglai (Group A), Thenzawl Joint YMA (Group A), Piler (Group B) leh Khawlailung (Group H) te an tel a ni. 

Comments

Popular News (Last 30 Days)

Bawngchawm tlang khualbuk rawktu nia hriat mi 2 man