I&WR Minister in Mizoram mamawh a thlen

Irrigation & Water Resources Minister C. Lalrinsanga chuan Union Minister of Jal Shakti Gajendra Singh Shekhawat hova thutkhawm ah Mizoram mamawh hrang hrangte a thlen.

Nimin khan Brahmaputra Board - High Powered Review Meeting chu a tum 12-na atan Radisson Blu, Guwahati-ah Union Minister of Jal Shakti Gajendra Singh Shekhawat kaihhruaina in neih a ni a, he hunah hian Mizoram atanga tel Irrigation & Water Resources Minister C. Lalrinsanga chuan Mizoram tana Project pawimawh tak tak thlen te approve a nih avanga lawmthu a sawi bakah tuihna kang zel tur venna, Springshed Management Project leh tuilian in kan Agriculture ram tha a tihchhiat zel venna atana project tam zawk hmalak mamawhna awmte Mizoram tana kuttthlak a nih zel theihna turin Union Minister hnenah hian ngen ngawl takin a thlen a ni.

Hemi rual hian Ministry of Jal Shakti in National Award a siam Mizoram PHE Department in a dawn, Mamit District in rampum huapa Fastest moving ‘Aspirational District’ lawman pakhatna leh 1st Oct 2022 to 31st March 2023 chhunga Best Performing Aspirational District-a ram pum huapa lawmman pahnihna an lak bakah, General Category-ah Kolasib in Best Performing District in High achievers (1st Oct 2022 to 31st March 2023) chhunga pathumna an dawn te chu Minister hian a dawng nghal bawk a ni.